საკრებულოს ბრალდებულ დეპუტატს, ილია ჯიშკარიანს აღკვეთის ღონისძიების სახით 10 000-ლარიანი გირაო შეეფარდა.
მასვე საქმეზე დაკითხულ მოწმეებთან ნებართვის გარეშე კომუნიკაცია და დაზარალებულ თამთა თოდაძესთან მიახლოება აეკრძალა.
"იმის მიუხედავად, რომ პროკურორმა აღნიშნა, რომ არსებობდა მტკიცებულებების განადგურების საფრთხე, გირაო მოითხოვა... ამის შესახებ მე პასუხი ვერ მივიღე", — განაცხადა დაზარალებულის ადვოკატმა.
მისი თქმით, შეუძლებელია იმის კონტროლი ექნება თუ არა კომუნიკაცია ილია ჯიშკარიანს მოწმეებთან და ექნებათ თუა არა ზეწოლა მათზე.
აღნიშნული გადაწყვეტილება მოსამართლე არსენ კალატოზიშვილმა მიიღო.
შეგახსენებთ, რომ საკრებულოს მაჟორიტარ დეპუტატ ილია ჯიშკარიანს 8 ოქტომბერს, საკრებულოს თანამშრომლის თამთა თოდაძის მიმართ განხორციელებული სექსუალური ხასიათის სხვაგვარი ქმედებისა და ცემის ფაქტზე ბრალი წარუდგინეს.