კატეგორია: მოვლენები 
2019-10-15
ცნობილი გახდა ნობელის სახელობის პრემიის ლაურეატები ეკონომიკაში, რომელიც შვედეთის სახელმწიფო ბანკმა 1969 წელს დააარსა. აბჰედჯიდ ბანერჯს, ესტერ დიუფლოსა და მაიკლ კრემერს, ნობელის ჯილდო გლობალური სიღარიბის დაძლევის ახალი ექსპერიმენტული მეთოდის შემუშავებისთვის გადაეცათ.
"წლევანდელმა ლაურეატებმა წარმოადგინეს ახალი და ეფექტური მეთოდი გლობალური სიღარიბის დაძლევის მიმართულებით", — ნათქვამია შვედეთის აკადემიის განცხადებაში.
ბანერჯის და მასაჩუსეტსის ტექნოლოგიური ინსტიტუტის პროფესორი, ფრანგი მეცნიერი ესტერ დიუფლო გახდა ყველაზე ახალგაზრდა (46 წლის) და რიგით მეორე ქალი ლაურეატი, რომელსაც პრემია ამ მიმართულებით გადაეცა. პირველი ქალი ნობელის პრემიის ლაურეატი ეკონომიკაში ამერიკელი ელინორ ოსტრომი გახდა, რომელმაც დაადასტურა, რომ საერთო საკუთრების, მათ შორის რესურსების ეფექტურად მართვა შესაძლებელია ადამიანთა ჯგუფების მიერ.
მეცნიერებმა საზოგადოებას სიღარიბესთან ბრძოლის ახალი მიდგომა შესთავაზეს, რომელიც დაფუძნებულია კარგად გათვლილ ექსპერიმენტებზე, რომელთა მიზანიცაა, პასუხი იპოვონ საკითხთან დაკავშირებულ კონკრეტულ კითხვებზე.
|
