კატეგორია: მოვლენები 2019-10-15
2019 წლის „გლობალური შიმშილობის ინდექსში" (GLOBAL HUNGER INDEX) საქართველო მსოფლიოს 117 ქვეყანას შორის 39 ადგილზეა. ყოველწლიური ანგარიშის თანახმად, რომელსაც ერთობლივად ორგანიზაციები Concern Worldwide და Welthungerhilfe ამზადებენ, საქართველოში შიმშილობის საერთო ქულა 9.2 -ია, რაც დაბალი მაჩვენებელია. თუმცა, 2016 წლის ინდექსის მიხედვით 8,2 ქულით საქართველო 118 ქვეყანას შორის მე-16 პოზიციას იკავებდა.
"გლობალური შიმშილობის ინდექსი" ოთხ მაჩვენებელს განსაზღვრავს - არასრულფასოვანი კვება, ბავშვთა სიკვდილიანობა, ბავშვებში ზრდის შეფერხება და წონის ნაკლებობა.
საქართველოზე უკეთესი პოზიციები აქვთ ყირგიზეთს, ირანს, სომხეთს, აზერბაიჯანს, სერბეთს, რუსეთს. ყოფილი საბჭოთა რესპუბლიკებიდან საუკეთესო მაჩვენებლები აქვთ უკრაინასა და ბელარუსს.
„შიმშილობის მსოფლიო ინდექსის“ მიზანია, ფართო მასშტაბით გამოიკვლიოს შიმშილობის პრობლემები გლობალურ, რეგიონულ და ეროვნულ დონეებზე. ინდექსის მიზანია, გაზარდოს შიმშილობასთან დაკავშირებული პრობლემებისადმი ყურადღება, განსაკუთრებით იმ ქვეყნებში, სადაც შიმშილობა სერიოზულ პრობლემას წარმოადგენს.
ინდექსის პირველ ხუთეულში არიან ბელარუსი, ბოსნია და ჰერცოგოვინა, ჩილე, კოსტა რიკა და ბულგარეთი.
ბოლო პოზიციებზე კი აფრიკის ცენტრალური რესპუბლიკა, ჩადი, იემენი, მადაგასკარი და ზამბია არიან.
ინდექსის თანახმად, საერთო ჯამში, მსოფლიოში შიმშილის დონე 2000 წელთან შედარებით 27%-ით შემცირებულია.
|
|