Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

ბანგლადეშში 19 წლის გოგოს ცოცხლად დაწვის გამო 16 პირს სიკვდილი მიუსაჯეს

კატეგორია: გენდერული ძალადობა 
2019-10-24

ბანგლადეშის სასამართლომ 19 წლის გოგოს, ნუსრატ ჯაჰან რაფის ცოცხლად დაწვის გამო 16 პირს სიკვდილი მიუსაჯეს. ნუსრატმა სექსუალურ შევიწროებაში თავისი სკოლის დირექტორი დაადანაშაულა, რის შემდეგაც დირექტორი დააკავეს. პროკურატურის განცხადებით, გოგოს მკვლელობა ციხიდან სწორედ დირექტორმა შეუკვეთა.

 

სიკვდილმისჯილებს შორის არიან როგორც სკოლის მოსწავლეები, რომლებმაც დაწვეს გოგო, ასევე, ისინიც, ვინც დანაშაული დაფარა, მათ შორის ორი მასწავლებელიც. გარდა ამისა, დადგინდა, რომ რამდენიმე პოლიციელი ნუსრატის თვითმკლელობაზე ცრუ ინფორმაციას ავრცელებდა.

 

27 მარტს ნუსრატმა განაცხადა, რომ სკოლის დირექტორმა ოფისში დაიბარა და სექსუალურად შეავიწროვა, მან კი გაქცევა მოახერხა. 19 წლის გოგომ ოჯახის წევრებთან ერთად პოლიციაში საჩივარი შეიტანა და დაცვა ითხოვა. პოლიციის ოფიცერმა, რომელმაც ის გამოკითხა, თავისი მობილურით ვიდეო გადაუღო. მოგვიანებით, ეს ვიდეო ადგილობრივ მედიაში გავრცელდა.

 

გავრცელებულ ვიდეოში ჩანს, რომ გოგო შეშინებულია და ხელებით სახის დამალვას ცდილობს. პოლიციის ოფიცერი კი ეუბნება, რომ "დიდი საქმე არ არის" და სახიდან ხელების ჩამოღებას სთხოვს. 27 მარტს, მას შემდეგ რაც გოგომ სექსუალურ შევიწროებაზე განაცხადა, სკოლის დირექტორი დააკავეს.

 

6 აპრილს ნუსრატმა ფინალური გამოცდის ჩასაბარებლად სკოლაში მივიდა. მას სკოლის ეზოში ორმა მოსწავლემ სთხოვა, მეგობრის დასახმარებლად სახურავზე გაჰყოლოდა. სახურავზე მას ხუთი ადამიანი დახვდა, რომლებმაც ნუსრატმა საჩივრის გამოტანა მოსთხოვეს, უარის შემდეგ კი ცეცხლი წაუკიდეს.

 

ნუსრატმა საავადმყოფოში გადაიყვანეს. მას სხეულის 80 პროცენტი დამწვარი ჰქონდა, რის შედეგადაც ის 10 აპრილს გარდაიცვალა. 19 წლის გოგოს მკვლელობას საზოგადოების დიდი შეშფოთება მოჰყვა. მათ დამნაშავეების დასჯის მოთხოვნით არაერთი აქცია გამართეს.

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ეგზიტპოლის მიხედვით, პარიზის მუნიციპალურ არჩევნებში სამი ქალი ლიდერობს

პირველად აზერბაიჯანის პარლამენტის თავმჯდომარედ ქალი აირჩიეს

ისტორიაში პირველად საბერძნეთის პარლამენტმა ქალი პრეზიდენტი აირჩია

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

არასრულწლოვნის ტრეფიკინგის ბრალდებით სამი პირი დააკავეს

ბავშვთა პორნოგრაფიის საქმეზე დანაშაულებრივი ქსელის კიდევ 11 წევრი დააკავეს

პოლიციამ ტრეფიკინგის ბრალდებით არასრულწლოვანი შვილების მშობელი დააკავა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker