კატეგორია: გენდერი კავკასიაში 2019-10-28
არასამთავრობო ორგანიზაცია ქალთა საინფორმაციო ცენტრმა გამართა შემაჯამებელი შეხვედრა/ტრენინგის უკუკავშირი გამყოფ ხაზთან მდებარე ხაშურის მუნიციპალიტეტის წაღვლის თემის (სოფლები ჩორჩანა და წაღვლი) მოსახლეობისა და საქართველოს ხელისუფლების წარმომადგენლებს შორის.
შეხვედრაზე წარდგენილი იყო გამყოფ ხაზთან მდებარე წაღვლის თემის სოფლების- ჩორჩანასა და წაღვლის მოსახლეობის საჭიროებათა კვლევისა და თემში მოქმედი ქალთა საინიციატივო ჯგუფების სამუშაო დოკუმენტის პრეზენტაციები.
ასევე განხილული იქნა კვლევის შედეგად გამოვლენილი პრობლემური საკითხების ადვოკატირების შედეგები და ამ მიმართულებით შემდგომი ნაბიჯების დაგეგმვა.
შეხვედრაზე ასევე განიხილა გაეროს ქალთა ორგანიზაციის ,,ღია კარის დღეზე’’ წაღვლის თემის წარმომადგენლების მონაწილეობის შესაძლებლობა.
წაღვლის თემის მოსახლეობას, პრობლემების ადვოკატირების მიზნით, შეხვდნენ საქართველოს რეგიონალური განვითარებისა და ინფრასტრუქტურის მინისტრის მოადგილე, მზია გიორგობიანი; პარლამენტის ადამიანის უფლებათა სამდივნოს წარმომადგენელი მერი ქაჯაია; გამყოფი ხაზის მიმდებარე სოფლებში დაზარალებული მოსახლეობის საჭიროებებზე რეაგირების დროებითი სამთავრობო კომისიიას წევრი– გიორგი თუმანიშვილი.
შეხვედრა გაიმართა პროექტის ,,ადმინისტრაციულ სასაზღვრო ზოლთან მცხოვრები ქალების მონაწილეობა კარგი მმათველობისთვის ‘’ ფარგლებში, რომელსაც ახორციელებს ქალთა საინფორმაციო ცენტრი ავსტრიის განვითარების სააგენტოს ხელშეწყობით.
|