კატეგორია: მოვლენები 
2019-11-12
პროკურატურამ „გავრილოვის ღამის“ ერთ-ერთი
დაზარალებული მაკო გომური, რომელმაც თვალი დაკარგა, დაზარალებულად
ცნო.
პროკურატურის ინფორმაციით, დაზარალებულის სტატუსი
მიენიჭათ ომარ სეხნიაშვილსა და მირზა ლიპარტელიანსაც, თუმცა არა გიორგი სულაშვილს,
რომელმაც, მაკო გომურის მსგავსად, თვალი დაკარგა.
"რაც შეეხება მიმდინარე გამოძიების ფარგლებში სხვა
პირების დაზარალებულად ცნობის საკითხს, საგამოძიებო პროცედურების დასრულების შემდეგ
თითოეულ ფაქტთან დაკავშირებით მიღებული იქნება შესაბამისი სამართლებრივი
გადაწყვეტილება, რის შესახებაც საზოგადოებას პერიოდულად მიეწოდება ინფორმაცია", —
აღნიშნულია პროკურატურის განცხადებაში.
„ამდენხნიანი ლოდინის, ტანჯვის, ტკივილის, მეტროში
თვალის ამოვარდნების, უამრავი მზერის შემდეგ მაინც გავიმარჯვე. 5 თვის შემდეგ,
მაგრამ მაინც“ - ასეთია მაკო გომურის რეაქცია პროკურატურის მიერ მის დაზარალებულად
ცნობასთან დაკავშირებით.
ამის შესახებ მან სოციალურ ქსელში დაწერა, სადაც
აღნიშნავს რომ ეს ყველაზე მინიმალური იყო, რაც მისთვის გააკეთეს. „ამით არ
მთავრდება ყველაფერი,პირიქით იწყება“ - აღნიშნავს მაკო გომური და აქვე კითხვას
სვამს, თუ რატომ არ ცნეს დაზარალებულად 20 ივნისის აქციაზე დაშავებული გიორგი
სულაშვილი, რომელსაც მისი თქმით, სახე მასზე მეტად ჰქონდა
ტრავმირებული.
20-21 ივნისის ღამეს სამართალდამცავებმა აქცია ძალის
გადამეტებით დაშალეს. ამ ღამეს დაშავდა რამდენიმე ათეული ადამიანი, მათ შორის ორმა
დაკარგა თვალი
|
