ფრანგი ქირურგი ჟოელ დე სკუარნეკი 250-ზე მეტ ადამიანზე სექსუალურ ძალადობაშია ბრალდებული. ამის შესახებ ფრანგული გაზეთი Le Parisien-ი წერს.
თავდაპირველად მის მსხვერპლად მხოლოდ 4 არასრუწლოვანი გოგო მიიჩნეოდა, თუმცა დაზარალებულების რიცხვი თანდათან იზრდებოდა. 18 ნოემბერს ცნობილი გახდა, რომ პოლიციამ ექიმის 250 პოტენციური მსხვერპლი ამოიცნო, მათგან 184 მზად არის, სკუარნეკის წინააღმდეგ სარჩელი შეიტანოს.
ძალადობის 150-ზე შემთხვევა 1991-დან 2014 წლების პერიოდში მოხდა, როცა ქირურგი საფრანგეთის ჩრდილო-დასავლეთ ნაწილში მუშაობდა. ის ძალადობდა როგორც თავის პაციენტებზე, ასევე მეზობლებზე. ასევე ცნობილია, რომ ის შეეცადა ერთ-ერთ თავის ნათესავზე ეძალადა.
სკუარნეკს 20-წლიანი პატიმრობა ემუქრება. სასამართლო 2020 წლის დასაწყისში უნდა გაიმართოს. ექიმი 2017 წელს მას შემდეგ დააკავეს, რაც ის 6 წლის ბავშვმა გაუპატიურებაში დაადანაშაულა. მის სახლში ჩატარებული ჩხრეკისას გაირკვა, რომ ქირურგი ბავშვთა პორნოგრაფიის მასალებს ინახავდა.
