კატეგორია: გენდერული ძალადობა 
2019-11-20
თბილისის საქალაქო სასამართლომ 4 წელი მიუსაჯა პირს, რომელიც პირადი ცხოვრების გავრცელების მუქარით ქალს სექსს აიძულებდა.
პროკურატურის ინფორმაციით, 2017 წელს კაცმა უკანონოდ მოიპოვა ქალის პირადი ცხოვრების ამსახველი ფოტო და ვიდეომასალა და მის მეგობარს გადაუგზავნა. გარდა ამისა, ის ქალს სოციალურ ქსელში ფოტოებისა და ვიდეოს გავრცელებითა და ოჯახის წევრებისთვის გადაგზავნით ემუქრებოდა და სექსუალური კავშირის დამყარებას აიძულებდა.
სამართალდამცველებმა კაცი 2017 წლის მარტში დააკავეს. მას ბრალი სისხლის სამართლის კოდექსის 139-ე მუხლის პირველი ნაწილით (სექსუალური ხასიათის იძულება) და 1571-ე მუხლის პირველი ნაწილით (პირადი ცხოვრების საიდუმლოს ხელყოფა, ე.ი. პირადი ცხოვრების საიდუმლოს უკანონოდ მოპოვება, შენახვა და გავრცელება) წარუდგინა. მას აღკვეთის ღონისძიების სახით პატიმრობა შეეფარდა.
|
