კატეგორია: გენდერი კავკასიაში 2019-12-05
საქართველოში ნიდერლანდების სამეფოს საელჩომ კონკურსში „ადამიანის უფლებათა ტიტა 2019“-ის გამარჯვებულები გამოავლინა. გამარჯვებულებს ჯილდოები საქართველოში ჰოლანდიის ელჩმა მააიკე ვან კოლდამმა გადასცა.
კონკურსში პირველი ადგილი „გურჯაანის ძალადობის წინააღმდეგ ბრძოლის ცენტრის“ ხელმძღვანელმა ჯილდა ხარიტონაშვილმა აიღო, რომელსაც გადაეცა „ადამიანის უფლებათა ტიტა - 2019“.
მეორე ადგილზე გავიდა რადიო თავისუფლების ჟურნალისტი გოგა აფციაური. მას გარკვეული მიზნებისთვის განკუთვნილი ფულადი ჯილდო და ჰოლანდიაში გამგზავრება ერგო.
ერთ-ერთი გამარჯვებულია მარნეულის სოფელ ხიხანის სათემო სახლის წარმომადგენელი ნანა გაბაიძე.
„ადამიანის უფლებათა ტიტა 2019“-ის დაჯილდოება საქართველოში მეორედ ჩატარდა.
საქართველოში მოქმედმა არასამთავრობო ორგანიზაციებმა ნომინანტები ჰოლანდიის საელჩოში წარადგინეს. მას შემდეგ, რაც დაწინაურებული ჯგუფი გამოიკვეთა, სია ჰოლანდიიდან საქართველოში გამოაგზავნეს. გამარჯვებულების შესახებ გადაწყვეტილება კვლავ საქართველოში მოქმედმა არასამთავრობო ორგანიზაციებმა მიიღეს.
2018 წელს კონკურსში გამარჯვება ახალგორის აქტივისტმა თამარ მეარაყიშვილმა და პანკისის ქალთა საბჭოს თავმჯდომარემ გულიკო ხანგოშვილმა მოიპოვა. ნიდერლანდების სამეფოს საელჩოები ანალოგიურ ღონისძიებებს სხვადასხვა ქვეყნებში ატარებენ.
|