ტაქსის სერვისმა Uber-მა აშშ-ში 2017-2018 წლებში კომპანიის მძღოლებისა და მგზავრების მონაწილეობით მომხდარი ინციდენტების საფუძველზე 84-გვერდიანი დასკვნა გამოაქვეყნა.
მათი ცნობით, 2017-2018 წლებში კომპანიამ სექსუალური შევიწროების შესახებ 5981 შეტყობინება მიიღო, რაც საშუალოდ დღეში 8 შეტყობინებას უდრის. მათ შორისაა 464 შეტყობინება გაუპატიურებისა და 582 გაუპატიურების მცდელობის შესახებ. კომპანიის ინფორმაციით, გაუპატიურება ყოველი 5 მილიონი მგზავრობიდან ერთხელ, გაუპატიურების მცდელობა კი ყოველი 4 მილიონი მგზავრობიდან ერთხელ ხდებოდა.
კვლევაში ასევე აღნიშნულია, რომ გაუპატიურების მსხვერპლები შორის როგორც მგზავრები (92%), ასევე მძღოლები (8%) ხდებოდნენ, გაუპატიურების მსხვერპლთა 90% ქალი, 9% - კაცი, 1% კი „გენდერული უმცირესობის წარმომადგენელი“ იყო.
საერთო ჯამში 2017-2018 წლებში Uber-ის ავტომობილებმა აშშ-ში 2,3 მილიარდი რეისი განახორციელეს.