კატეგორია: გენდერული პოლიტიკა 
2019-12-11
10 დეკემბერს ფინეთში ქვეყნის ახლადარჩეულმა პრემიერ- მინისტრმა, 34 წლის სანა მარინიმ (ფინეთის სოციალ-დემოკრატიული პარტია) მინისტრთა კაბინეტის განახლებული შემადგენლობა წარადგინა.
ეს 76-ე მინისტრთა კაბინეტია ქვეყნის ისტორიაში და მის შემადგენლობაში 19 მინისტრი შედის. უნდა აღინიშნოს, რომ აქედან 12 მინისტრი ქალია, ხოლო 7 კაცი.
გარდა პრემიერ-მინისტრისა, ფინეთის კოალიციურ მთავრობაში კიდევ ოთხი პარტიის ხელმძღვანელი ქალია: „მემარცხენე ალიანსის“ ლიდერი ლი ანდერსონი, რომელიც 32 წლისაა, „მწვანეთა ლიგის“ ლიდერი 34 წლის მარია ოჰისალოა, „ცენტრისტული პარტიის“ ხელმძღვანელი 32 წლის კატრი კულმუნია და „შვედეთის სახალხო პარტიის“ ლიდერი, 55 წლის ანა მაია ჰენრიკსონი.
ფინეთის ახალი პრემიერ-მინისტრი მსოფლიოში ყველაზე ახალგაზრდა პრემიერია.
|
