ღია საზოგადოების ინტსიტუტის „დოკუმენტური ფოტოგრაფიის“ პროექტი (http://www.soros.org/initiatives/photography) და ხელოვნებისა და კულტურის ქსელური პროგრამა (http://www.soros.org/initiatives/arts) აცხადებს კონკურსს დოკუმენტალისტი ფოტოგრაფებისათვის ცენტრალური აზიისა და კავკასიის ქვეყნებიდან, ასევე ავღანეთიდან, მონღოლეთიდან და პაკისტანიდან. თითოეულ გამარჯვებულ ფოტოგრაფს გადაეცემა გრანტი 3500 აშშ დოლარის ოდენობით. გრანტის მიზანია ფოტონამუშევრების სერიის შექმნა, რომელიც მიეძღვნება თითოეულ ქვეყანაში ადამიანის უფლებების დაცვისა და სოციალურ სამართლიანობის საკითხებს. ცალკეულ გრანტიორს მიეცემა შესაძლებლობა იმუშაოს საერთაშორისოდ აღიარებული ფოტოგრაფის ზედამხედველობის ქვეშ, რომელიც ჩაატარებს სემინარებს როგორც გრანტის დაწყებამდე და დასრულებისას, ასევე გრანტის მიმდინარეობის პერიოდშიც. „დოკუმენტური ფოტოგრაფიის“ პროექტის მიზანია ისეთი ნამუშევრების შექმნა, რომელიც ხელს შეუწყობს სოციალური პრობლემების კრიტიკულად გააზრებას. პროექტის მთავარი ამოცანაა იმ ფოტო-დოკუმენტალისტების დახმარება, რომელთა საქმიანობაც პასუხობს შემდეგ კითხვებს: 1. როგორ შეიძლება ფოტოგრაფიამ ხელი შეუწყოს ადამიანის უფლებების დაცვასა და სოციალური სამართლიანობის დამყარებას. 2. რა შეიძლება გააკეთონ ფოტოგრაფებმა პარტნიორული ურთიერთობების დასამყარებლად იმ ორგანიზაციებთან, რომელთა საქმიანობის მთავარი მიზანია ადამიანის უფლებების დაცვა და სოციალური სამართლიანობა. 3. ქვეყნის კულტურიდან გამომდინარე, ფოტო-დოკუმენტალისტებმა გამოფენის მოწყობის გზით როგორ შეიძლება განავითარონ ახლებური გზები ღია საზოგადოების პრინციპების ხელშესაწყობად. იხილეთ სრული ტექსტი (ინგლისურად ან რუსულად)
განაცხადების მიღების ბოლო ვადა: 20-03-2009(ნიუორკის დროით).
