კატეგორია: გენდერული პოლიტიკა 
2009-02-17
23-25 იანვარს ბაკურიანში გაიმართა სამუშაო შეხვედრა, რომელიც ითვალისწინებდა ,,ოჯახში ძალადობის აღკვეთის, ოჯახში ძალადობის მსხვერპლთა დაცვისა და დახმარების შესახებ” 2009-2010 წლების სამოქმედო გეგმის განხილვას. შეხვედრა ჩატარდა გაეროს მოსახლეობის ფონდის პროექტის ,,დავძლიოთ გენდერული ძალადობა ამიერკავკასიაში” მხარდაჭერითა და ,,ახალგაზრდა იურისტთა ასოციაციის” ორგანიზატორობით.
შეხვედრის ფარგლებში მოეწყო 2007-2008 წლების სამოქმედო გეგმით გათვალისწინებულ ღონისძიებათა მონიტორინგის პრეზენტაცია. აღნიშნული მონიტორინგი განხორციელდა დამოუკიდებელი ექსპერტების მიერ გაეროს მოსახლეობის ფონდის მხარდაჭერით.
2007-2008 წლების სამოქმედო გეგმის შესრულებისთვის ჩატარებული ღონისძიებების მონიტორინგის საფუძველზე შემუშავდა რეკომენდაციები ახალი 2009-2010 წლების სამოქმედო გეგმის შესამუშავებლად.
სამუშაო შეხვედრაში მონაწილეობდნენ ოჯახში ძალადობის აღკვეთისათვის 2009-2010 წლების სამოქმედო გეგმით გათვალისწინებულ ღონისძიებების ჩასატარებლად ახლახან შექმნილი უწყებათაშორისი საბჭოს წევრები და პარლამენტის ვიცე-სპიკერი, საპარლამენტო საბჭოს საკონსულტაციო საბჭოს თავმჯდომარე გენდერულ საკითხებში, ქალბატონი რუსუდან კერვვალიშვილი.
სამოქმედო გეგმა მზადაა და ელის დამტკიცებას.
|
