კატეგორია: გენდერი მსოფლიოში 2009-02-19
უკვე ერთი კვირაა, ქალთა კოლონიაში 41 წლის პატიმარი კვლავ ლურსმნებითაა ხელ_ფეხ დაჭედებული. ციცო საბაშვილი, რომელსაც 17 წელი აქვს მისჯილი, სასჯელს უკვე მეექვსე წელია იხდის. პროტესტის ამ სასტიკ ფორმას კი, პატიმარმა პროკურატურის გულგრილობის გამო მიმართა - 20 ნოემბრიდან მოყოლებული, პროკურატურა მის საქმეს უტრიალებს, მაგრამ პასუხს დღემდე არ აძლევენ. არადა, სწორედ პროკურატურის პასუხზეა დამოკიდებული, პატიმარი ციხეში უნდა დარჩეს თუ უდანაშაულოა და უნდა განთავისუფლდეს...
ლურსმნებით დაჭედებული ქალი უამრავმა ადამიანის უფლებათა დამცველმა, მათ შორის, პარლამენტის ადამიანის უფლებათა კომიტეტის თავმჯდომარის მოადგილეებმა - დიმიტრი ლორთქიფანიძემ და ეკა ხერხეულიძემ მოინახულეს. მას სახალხო დამცველის აპარატიდანაც მეთვალყურეობენ, მაგრამ პროკურატურიდან პასუხი მაინც არ ჩანს. ამ პატიმრის ტაობაზე საქმის კურსშია სტრასბურგის სასამართლოც.
თვითმხილველების თქმით, პატიმარი ამჟამად ნახევრად წოლით მდგომარეობაშია - ორივე ფეხი ფიცრებზე ლურსმნით აქვს დაჭედებული. რაც შეეხება ხელებს, ლურსმნებით შუა თითები დაუჭედებია. სხვათაშორის, ციცო საბაშვილის მხრიდან ასეთი პროტესტი პირველი არ არის, თავი ადრეც დაიჭედა, მაგრამ მისი მდგომარეობა ახლა გართულებულია - ფეხი შეშუპებული აქვს.
წყარო: სრული ვერსია იხილეთ გაზეთი ”ვერსია”, #20(228), 18-19/02/2009
|
|