კატეგორია: გენდერი მსოფლიოში 
2009-02-19
2009 წლის 19 თებერვალს, სასტუმრო ,,ამბასადორში“ გაიმართა ,,საქართველოს ინვალიდ – მეომართა და დაღუპულ მებრძოლთა მეუღლეთა კავშირის“ (,,ქალთა კავშირი“) პროექტის ,, ქალები მშვიდობისა და უსაფრთხოებისათვის“ ფარგლებში განსახორციელებელ საქმიანობის და მათი შედეგების პრეზენტაცია.
პროექტის მიზანი ქართველებსა და ოსებს შორის ნდობის აღდგენის ხელშეწყობაა, ქალების აქტიური მონაწილეობის გზით.
პროექტის ფარგლებში დაისახა ამოცანები:
ურთიერთშორის ნდობის აღდგენის ხელშესაყწობად, ქართველი და ოსი ქალების განათლების დონის ამაღლება, უფლებების, მშვიდობისმშენებლობის და ტოლერანტობის საკითხებზე;
მოსახლეობის ცნობიერების ამაღლება ქარტულ ოსური ურთიერთობის ნდობის აღდგენის საკითხებზე ქალების მონაწილეობით;
ქალის როლის პოპულარიზაცია ქართულ ოსური ურთიერთობის ნდობის აღდგენის პროცესში და მშვიდობის მშენებელ ქალთა მოძრაობის შექმნა.
პროექტის ფარგლებში დაგეგმილია: ტრენინგ–სემინარები ფრონეს, დიდი და პატარა ლიახვის ხეობებიდან დევნილი ქალებისათვის, უფლებების,მშვიდობისმშენებლობის და ტოლერანტობის საკითხებზე; მათი ჩართვა ქართულ–ოსური მოლაპარაკებების და დიალოგის პროცესში. შესაბამისად საზოგადოების ინფორმირება ქართულ–ოსურ ურთიერთობების ნდობის აღდგენის საკითხებზე, საინფორმაციო ბიულეტენის გამოცემა და მშვიდობისმშენებელ ქალთა მოძრაობის შექმნა.
პროექტი განხორციელდა შვედური ორგანიზაცია Kvinna till Kvinna – ს ფინანსური მხარდაჭერით.
პრეზენტაციას ესწრებოდნენ საერთაშორისო და არასამთავრობო ორგანიზაციების, სამთავრობო სტრუქტურისა და მედიის წარმომადგენლები, ასევე წარმომადგენლები დიდი და პატარა ლიახვის ხეობიდან.
წყარო: პორტალი GINSC
|
