კონკურსი, რომელიც გამოავლენს კავკასიის რეგიონში ბუნების დაცვის თემაზე მომზადებულ საუკეთესო ჟურნალისტურ მასალებს
კონკურსში მონაწილეობა შეუძლიათ ჟურნალისტებს აზერბაიჯანიდან, რუსეთიდან, საქართველოსა და სომხეთიდან, იმ მასალებით, რომელიც გამოქვეყნდა ან ეთერში გავიდა 2008 წლის 1 ივნისიდან 2009 წლის 31 მაისამდე.
პირველი ადგილისთვის: 1000 აშშ დოლარი, ჯილდო და სიგელი; მეორე ადგილისთვის: 500 აშშ დოლარი, ჯილდო და სიგელი; მესამე ადგილისთვის: 200 აშშ დოლარი, ჯილდო და სიგელი;
კონკურსში მონაწილეობა შეუძლიათ ნებისმიერი ტიპის მედიის _ ბეჭდური, რადიოსა და ტელევიზიის _ წარმომადგენლებს.
მასალები წარმოდგენილი უნდა იყოს რუსულ ან ინგლისურ ენაზე.
ნაბეჭდი სტატიების შემთხვევაში – ორიგინალს უნდა ახლდეს თარგმანი რუსულად ან ინგლისურად; სტატიები შეიძლება გამოიგზავნოს ელექტრონული ვერსიის სახით; რადიო და სატელევიზიო გადაცემები კომპაქტ დისკებით უნდა გამოიგზავნოს და თან ახლდეს სცენარები რუსულ ან ინგლისურ ენაზე; თითოეულ მონაწილეს შეუძლია წარადგინოს არაუმეტეს 2 მასალისა;
ჟიური დაკომპლექტებულია კონკურსანტთა ქვეყნებში მოღვაწე ჟურნალისტებისაგან;
კავკასიის რეგიონში გამოცხადებული კონკურსის გამარჯვებულთა გამოცხადება, ისევე როგორც საუკეთესო მასალების გამოქვეყნება - მოხდება ინტერნეტში, Biodiversity Reporting Awards [ბიოლოგიური მრავალგვარობის გაშუქების ჯილდოები] ვებ-საითზე, ლათინური ამერიკისა და აფრიკის ქვეყნებიდან გამარჯვებულებთან ერთად.
მასალების ჩაბარების ბოლო ვადაა 2009 წ. 9 ივნისი.
მასალების მიწოდება შეიძლება ელექტრონული ფოსტით ((tiniko@gfsis.org), ან ჩვეულებრივი ფოსტით: ჩიტაძის 3/ა, GFSIS, თბილისი, საქართველო.
შეკითხვების გაჩენის შემთხვევაში დაუკავშირდით თინიკო დვალიშვილს, კავკასიის ჟურნალისტთა საერთაშორისო ცენტრი, + 995 (99) 58 55 71;
კონკურსი და ტრეინინგები ჟურნალისტებისთვის ამ თემაზე ტარდება ჟურნალისტთა საერთაშორისო ცენტრის მიერ - ICFJ (ვაშინგტონი, ფედერალური ოლქი კოლუმბია, აშშ), ადგილობრივ პარტნიორებთან ერთად, რომელთაც უძღვება კავკასიის ჟურნალისტთა ცენტრი - CCFJ. ეს საქმიანობა, რომელიც მიზნად ისახავს ბიოლოგიური მრავალგვარობის შენარჩუნებისა და დაცვის უკეთეს გაშუქებას შეუწყოს ხელი, ფინანსდება ეკოსისტემების შენარჩუნებისათვის თანამშრომლობის ფონდის მიერ [Critical Ecosystem Partnership Fund (CEPF)], რომელიც წარმოადგენს გლობალური ეკოლოგიური ფონდის [Global Environment facility], იაპონიის მთავრობის, ჯონ დ. და ქეთრინ თ. მაკარტურებისა [MacArthur Foundation] და ორგანიზაციის Conservation International ერთობლივ წამოწყებას.
ბუნება არ ცნობს სახელმწიფო საზღვრებს. ეკოსისტემების შენარჩუნებისათვის თანამშრომლობის ფონდი მოღვაწეობს კავკასიის ხუთ ქვეყანაში – ევროპის მცენარეთა და ცხოველთა ყველაზე დიდი მრავალგვარობის მქონე რეგიონში – და მიზნად ისახავს დაიცვას სახეობები და მათი საარსებო გარემო, ხელი შეუწყოს მათ მყარ განვითარებას.