15 ივნისი საქართველოში ადგილობრივი თვითთმართველობის არჩევნების დღეა, საქართველოს მოსახლეობა 2,088 საკრებულოს წევრს, 12 ქალაქის მერს და 59 მუნიციპალიტეტის გამგებელს ირჩევს.
საარჩევნო სუბიექტების მიერ პარტიული სიები ცესკოში უკვე წარდგენილი და დარეგისტრირებულია. Mediamall.ge აგრძელებს მუშაობას ეთნიკური უმცირესობების რაოდენობის გარკვევაზე თითოეული პარტიის სიაში.
ამჯერად ჩვენი განხილვის თემა ქვემო ქართლში, კერძოდ, გარდაბანში, მარნეულში, ბოლნისში და დმანისში წარდგენილი პარტიული სიები იქნება.
როგორც პოლიტიკური პარტიების ლიდერები ჩვენთან საუბარში აცხადებენენ, ის რეგიონები, რომლებიც დასახლებულია ეთნიკური უმცირესობით, მთლიანად , თითქმის 100 %-ით უნდა ყოფილიყო წარმოდგენილი ეთნიკური უმცირესობით.
შეესაბამება თუ არა სიმართლეს მათ მიერ წინასწარ გაკეთებული განცხდებები ჩვენი კვლევიდან შეიტყობთ.
ცესკოს მონაცემებით, სააარჩევნო სუბიექტად 19 პარტია / ბლოკია დარეგისტრირებული, რომელთა ნაწილს რეგიონებში სია საერთოდ არ წარუდგენია.
რაც შეეხება მათ, ვინც სია წარადგინა, ეთნიკური უმცირესობების წარმომადგენლების რაოდენობა შემდეგნაირად გადაანაწილეს.
არასაპარლამენტო ოპოზიცია : გარდაბანში წარდგენილია 18 წევრიანი სია, რომელთა შორის 4 უმცირესობის წარმომადგენელია. მარნეულში 20 -დან 13, ბოლნისში 18 - დან არცერთი, ხოლო დმანისში 25 წევრიდან 4.
საქართველოს ძალოვან ვეტერანთა და პატრიოტთა პოლიტიკური მოძრაობა: გარდაბანი 25 დან 7, მარნეული 28 დან 18, ბოლნისი 18 -დან 8 და დმანისში სია საერთოდ არ აქვთ.
ნინო ბურჯანაძე ერთიანი ოპოზიცია: გარდაბანი 22-დან 6, მარნეული 20- დან 17, ბოლნისი 20-დან 7 და დმანისი 19-დან 3.
ნაციონალური მოძრაობა: გარდაბანი 20-დან 7, მარნეული- 20- დან 12, ბოლნისი 18 -დან 9, ხოლო დმანისი 20-დან 10.
საქართველოს პატრიოტთა ალიანსი - დავით თარხან მოურავი: გარდაბანში სია პარტიული სია არ აქვს, მარნეული - 18-დან 8, ბოლნისი 19 დან 3, დმანისშიც ასევე სია არ აქვს.
რაც შეეხება „ქრისტიან -დემოკრატიულ“ პარტიას, მათ მხოლოდ დმანისში წარადგინეს 19 წევრიანი სია, სადაც არცერთი ეთნიკური უმცირესობის წევრი არ არის.
იგივე მდგომარეობაა მერაბ კოსტავას საზოგადოების მხრიდან წარდგენილ სიაშიც, მათ მხოლოდ მარნეულში წარადგინეს პარტიული სია, სადაც 17 ადამიანიდან არცერთი ეთნიკური უმცირესობის წარმომადგენელი არ არის. ბოლო პარტია, ეს არის „ჩვენი საქართველო“ ვისაც ქვემო ქართლში, კონკრეტულად გარდაბანში საკუთარი წევრები ჰყავს წარდგენილი და 15 წევრიდან არცერთი ეთნიკური უმცირესობის წევრი არაა.
ცნობისთვის, 2002 წელს ჩატარებული მოსახლეობის აღწერის თანახმად, ეთნიკური უმცირესობები მოსახლეობის 16%-ს ოდნავ აღემატება. ყველაზე დიდ ეთნიკურ ჯგუფს ქვეყანაში აზერბაიჯანელები წარმოადგენენ 6.5% (285,000 ადამიანი), რომლებიც გეოგრაფიულად კონცენტრირებულნი არიან ქვემო ქართლში და კახეთის და შიდა ქართლის ზოგიერთ რაიონში, ხოლო რაოდენობრივად ოდნავ ნაკლები ეთნიკური სომხები (5.7% ანუ თითქმის 249,000 ადამიანი) ძირითადად სამცხე-ჯავახეთის რეგიონის ახალციხის, ახალქალაქისა და ნინოწმინდის რაიონებში, ქვემო ქართლის წალკის რაიონში და თბილისში ცხოვრობენ. არის ასევე საკმაოდ მოზრდილი, თუმცა კლებადი, ეთნიკური რუსების (1.5%), ოსების (0.9), იეზიდი-ქურთების (0.5%), ბერძნების (0.4%) და კიდევ რამდენიმე ნაკლებად მრავალრიცხოვანი ჯგუფი, მათ შორის ქისტების და ჩეჩნების, ებრაელების, აფხაზების, ასირიელების, უდების, ავარების, უკრაინელების, ჩეხების, პოლონელების, ბულგარელების, ესტონელების, ლატვიელების, ლიტველების, ბოშებისა და მოლდოველების.
