Категория: Анонсы 
2016-12-02
6 დეკემბერს 11:00 საათზე, სასტუმრო ”ამბასადორი” (თბილისი, იოანე შავთელის #17). ქალთა საინფორმაციო ცენტრის ორგანიზებით, გაიმართება კონფერენცია "გენდერული მეინსრტიმინგი თბილისის მუნიციპალიტეტში".
ღონისძიება მიზნად ისახავს თბილისის მუნიციპალიტეტის გენდერულად მგრძნობიარე მმართველობის ხელშეწყობას. შეხვედრის ფარგლებში დაგეგმილია თბილისის მუნიციპალიტეტის გენდერული თანასწორობის სტრატეგიისა და სამოქმედო გეგმის სამუშაო დოკუმენტის განხილვა. მუნიციპალიტეტის გადაწყვეტილების მიმღები პირების, საერთაშორისო და ადგილობრივი ორგანიზაციების წარმომადგენლების რეკომენდაციებისა და მოსაზრების გაზიარება. შეხვედრაზე გამოთქმული შენიშვნები აისახება თბილისის მუნიციპალიტეტის გენდერული თანასწორობის სტრატეგიისა და სამოქმედო გეგმის საბოლოო დოკუმენტში.
კონფერენციას დაესწრებიან თბილისის მერიისა და საკრებულოს წარმომადგენლები, ასევე მუნიციპალიტეტის რაიონულ გამგეობებში გენდერული თანასწორობის საკითხებზე პასუხისმგებელი პირები, ადგილობრივი არასამთავრობო ორგანიზაციებისა და საერთაშორისო ორგანიზაციების წარმომადგენელი პირები.
ღონისძიება ორგანიზებულია ქალთა საინფორმაციო ცენტრის მიერ. ღონისძიება ტარდება გაეროს განვითარების პროგრამის (UNDP) და შვედეთის მთავრობის ხელშეწყობით, გაეროს ერთობლივი პროექტის „გენდერული თანასწორობისთვის“ ფარგლებში.
პროექტი „თბილისის მუნიციპალიტეტის გენდერული პოლიტიკის გაძლიერება.“ |
