ახალგორის ბაგა-ბაღებში ქართულენოვან ჯგუფებს აუქმებენ - მხოლოდ რუსული და ოსურენოვანი ჯგუფები იმუშავებენ. ახალგორის სკოლებში ქართულ ენაზე სწავლებაც იკრძალება. აკრძალვები ძალაში ახალი სასწავლო წლიდან შედის.
სამხრეთ ოსეთის ე. წ. განათლების მინისტრის მოადგილე ელისო გაგლოევას განცხადებით, მოსწავლეები ყველა საგანს რუსულ ენაზე ისწავლიან.
"ეს დისკრიმინაციაა. არც პედაგოგებმა და არც მოსწავლეებმა რუსული არ იციან", - აცხადებს შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი.
ქართული მხარე საკითხს ჟენევის მოლაპარაკების მორიგ რაუნდზე დააყენებს.
Using materials of the site the reference on GINSC with the indication of the author is obligatory The Portal GINSC is supported by the Kvinna til Kvinna Foundation
