კატეგორია: ტრეფიკინგი 2017-09-19
შრომის საერთაშორისო ორგანიზაციის (ILO) ვებგვერდზე გამოქვეყნებული კვლევის თანახმად, 2016 წლისთვის მსოფლიოში 40 მილიონი ადამიანი თანამედროვე მონობის მსხვერპლი გახდა. აქედან დაახლოებით 152 მილიონი ბავშვია, რომლებიც იძულებითი შრომით არიან დაკავებული.
კვლევა შრომის საერთაშორისო ორგანიზაციამ, მიგრაციის საერთაშორისო ორგანიზაციასთან და Walk Free Foundation ერთად ჩაატარა. შედეგები გაეროს გენერალური ასამბლეის სხდომაზე იყო წარმოდგენილი.
კვლევის თანახმად, დაახლოებით 40 მილიონი ადამიანი მონობის მსხვერპლია, დაახლოებით 25 მილიონი იძულებითი შრომით არის დაკავებული, ხოლო 15 მილიონი იძულებით დააქორწინეს. აღსანიშნავია, რომ მონობაში მყოფ ადამიანთა შორის ქალები და გოგონები უმრავლესობას შეადგენენ – დაახლოებით 29 მილიონი ანუ 71% -ი. სექსუალური მონობის მსხვერპლის აბსოლუტური უმრავლესობა კი (99%) ქალია.
კვლევამ აჩვენა, რომ დაახლოებით 5-დან 17 წლამდე ასაკის 152 მილიონ ბავშვს აიძულებენ მონურ მუშაობას. ძირითადად, ბავშვთა შრომა გამოიყენება სასოფლო-სამეურნეო სფეროში. შედარებით ნაკლებად მომსახურებისა და წარმოების სექტორში. აფრიკის კონტინენტზე ყველაზე მეტი ბავშვი მუშაობს.
შრომის საერთაშორისო ორგანიზაციის განცხადებაში ნათქვამია, რომ გაეროს მდგრადი განვითარების მიზნები ვერ შესრულდება, სანამ ხალხი უფრო აქტიურად არ ჩაერთვება თანამედროვე მონობისა და ბავშვთა შრომის წინააღმდეგ ბრძოლაში.
|