Category: Announcements 
2017-11-06
2017 წელს 25 ნოემბრიდან 10 დეკემბრამდე, მთელ მსოფლიოში ტარდება გენდერული ძალადობის წინააღმდეგ 16 დღიანი კამპანია, რომლის თემაც წელს არის: "მშვიდობიანი სახლიდან, მშვიდობამდე მსოფლიოში: უსაფრთხო განათლება ყველას!".
კამპანიის ფარგლებში, მოსახლეობის ცნობიერების ამაღლების მიზნით, ქალთა საინფორმაციო ცენტრი, კოალიციის "განათლება ყველასათვის საქართველოში" მხარდაჭერით, აცხადებს კონკურს ახალგარზდა ჟურნალისტებისთვის, ბლოგერებისთვის, სტუდენტებისთვის და სკოლის მოსწავლეებისა და პედაგოგებისთვის გენდერულ ძალადობასთან დაკავშირებულ საკითხებზე მულტიმედიური მასალების – სტატიების/ბლოგების, ფოტო და ვიდეო რეპორტაჟების– შექმნასთან დაკავშირებით.
კონკურსი გამოავლენს საუკეთესო ნამუშევრებს. გამარჯვებულები დაჯილდოვდებიან სპეციალური პრიზებითა და სერთიფიკატებით.
გამარჯვებულები დაჯილდოვდებიან 2017 წლის 16 დღიანი კამპანიის ფარგლებში.
კონკურსის მონაწილეებმა უნდა წარმოადგინონ ნამუშევრები შემდეგ თემებზე:
** რეპროდუქციული უფლებები და აბორტი;
** ფემიციდი და შერჩევითი (სელექციური) აბორტები;
** ქალთა ეკონომიკური დამოკიდებულება და დამოუკიდებლობა, ეკონომიკური ძალადობა;
** სექსუალური ძალადობა კონფლიქტის დროს, როგორც ომის დროს გამოყენებული იარაღი;
** სექსუალური შევიწროვება ქუჩაში და სამსახურში;
** ქალის ობიექტივაცია;
** ქალი და პოლიტიკური ძალადობა;
** კომერციული სექს-სამუშაო და მასთან დაკავშირებული რისკები;
** ქალი უფლებადამცველები ქართულ რეალობაში;
** ბულინგი და ინტერნეტ ბულინგი – ქართული რეალობა;
** შეზღუდული შესაძლებლობის მქონე ქალები - პრობლემები და გამოწვევები;
** ქალის სექსუალობის კონტროლი;
** ეკოლოგიური კატასტროფები და მათი ზეგავლენა ქალებზე საქართველოში;
** მედია და ქალთა პრობლემების გაშუქება;
** ქალის როლი კონფლიქტის მოგვარებასა და მშვიდობის მშენებლობაში.
მასალების ელექტრონული ვერსიები, ვებ-ბმულის სახით უნდა წარედგინოს ქალთა საინფორმაციო ცენტრის ელექტრონულ მისამართზე: office@ginsc.net, 2017 წლის 10 დეკემბრის ჩათვლით.
წარმოდგენილ განაცხადს თან უნდა ახლდეს კონკურსში მონაწილე პირის საკონტაქტო მონაცემები (სახელი, გვარი, საკონტაქტო სახლის/ სამსახურის და მობილური ტელეფონის ნომრები, ელ-ფოსტის მისამართი).
გამარჯვებულები შერჩეულნი იქნებიან საკითხის აქტუალობისა და შესაბამისობის, ხარისხის, საკითხისადმი საინტერესო მიდგომის მიხედვით.
დამატებითი ინფორმაციისთვის მოგვმართეთ:
ქალთა საინფორმაციო ცენტრი
ტელ: (995 32) 295 29 34
e-mail: office@ginsc.net
საკონტაქტო პირი: თეონა ჩიქოვანი
|
