ბავშვთა კიბერსექსუალური ტრეფიკინგი ("cybersex trafficking") ანუ სექსუალური მიზნებისთვის ბავშვთა ექსპლუატაცია ონლაინ - ტრეფიკინგის ახალი ფორმაა. ის ერთ-ერთი ყველაზე სწრაფად მზარდი დანაშაულებრივი ქმედებაა მსოფლიოში. ამის შესახებ საქველმოქმედო ორგანიზაცია International Justice Mission-მა განაცხადა.
ექსპლუატაციის ეს ფორმა განსაკუთრებით ფილიპინებზეა გავრცელებული. პოლიცია ამგვარი დანაშაულის შესახებ ათასობით შეტყობინებას ღებულობს ყოველთვიურად. შარშან ქვეყანაში 100-ზე მეტი მსხვერპლი-ბავშვი იყო განთავისუფლებული.
ასეთი „სერვისით“ ძირითადად პედოფილები დიდი ბრიტანეთიდან, კანადიდან და აშშ-დან სარგებლობენ.
ორგანიზაციის მოხსენების თანახმად, კიბერსექსუალური ტრეფიკინგის მსხვერპლები 12 წლამდე ასაკის ბავშვები ჰდებიან, ხოლო ყველაზე პატარა მხოლოდ ორი თვის იყო.
გასულ კვირას, სამაშველო ოპერაციის დროს, ფილიპინების სამართალდამცავებმა სექსუალური მონობიდან 2-დან 9 წლამდე ცხრა ბავშვი გაანთავისუფლეს. ოპერაცია კანადის პოლიციიდან მიღებული სიგნალის შემდეგ ჩატარდა. როგორც აღმოჩნდა, კანადის მოქალაქე გარკვეული თანხის სანაცვლოდ, პირდაპირ ეთერში სექსუალური ძალადობის სცენების ნახვაზე შეუთანხმდა ფილიპინელ მოქალაქეს და ამაში ბავშვებს უნდა მიეღოთ მონაწილეობა.
ორგანიზაცია „მართლმსაჯულების საერთაშორისო მისია“ (IJM) იცავს ღარიბი მოსახლეობის უფლებებს და აქტიურად არის ჩართული ძალადობის პრევენციაში. ორგანიზაცია ასევე მუშაობს ადგილობრივ ხელისუფლებასთან ტრეფიკინგის მსხვერპლთა დახმარების მიმართულებით.
ფილიპინები - ქალთა სექსუალური ექსპლუატაციის ერთ-ერთი ცენტრია მსოფლიში. ადგილობრივი პოლიციის მანაცემებით ამ დანაშაულებრივ ქსელში ათასობით ქალი-მსხვერპლია ჩართული. ფილიპინებზე კიბერსექსუალური ტრეფიკინფი 25 000 აშშ დოლარამდე ჯარიმით ან 12 წლამდე თავისუფლების აღკვეთით ისჯება.
