ნეპალის ერთ-ერთ მაღალმთიან სოფელში, ე.წ. "მენსტრუალურ ქოხში" 21 წლის ქალი გარდაცვლილი იპოვეს. სიცივის გამო, მან ქოხში ცეცხლი დაანთო და კვამლით გაიგუდა.
ე.წ. "მენსტრუალური ქოხი" არის პატარა ფარდული, სადაც მენსტრუაციის დროს ქალებს სძინავთ და იძულებულები არიან რამდენიმე დღის განმავლობაში იზოლირებულად იცხოვრონ, რადგან ითვლება, რომ ისინი ასეთ დროს შეურაცხჰყოფას აყენებენ ჰინდუს ღმერთებს და თავიანთ ოჯახებს.
2017 წელს ქვეყანაში მიიღეს კანონი, რომელიც ე.წ. მენსტრუალურ ქოხებში ქალების განმარტოვებას კრძალავს.
დოკუმენტის თანახმად, მენსტრუალური ციკლის დროს ქალების სახლიდან გაგდება და იძულებით განმარტოება 30 დოლარით ან 3 თვიანი პატიმრობით ისჯება.
ფორმალურად მენსტრუალური ციკლის დროს ქალების განმარტოვება იგივე ჩაუპადი, 2005 წელს აიკრძალა, თუმცა მათი სახლიდან გაგდება მაინც გრძელდებოდა.
2007 წლიდან, მინიმუმ რვა ქალი გარდაიცვალა მენსტრუალურ ქოხში.
Using materials of the site the reference on GINSC with the indication of the author is obligatory The Portal GINSC is supported by the Kvinna til Kvinna Foundation
