Category: It`s interesting to know 
2018-02-27
ამერიკელი ფოტოგრაფი და სოციოლოგი ლიუის ჰაინი მეოცე საუკუნის ერთ-ერთი ყველაზე მნიშვნელოვანი ფოტოგრაფ–დოკუმენტალისტია. მისი ფოტოებიდან იწყება სოციალური ფოტოგრაფიის ისტორია.
ჰაინი იღებდა მუშებს და ებრაულ–-სლავურ გეტოებიდან ღარიბ ოჯახებს. მან შექმნა „მუშების პორტრეტების“ ცნობილი სერია, რომელიც სხვადასხვა პროფესიის ადამიანებს გვაჩვენებს. 30-იან წლებში კი მან Empire State Building–ის მშენებლობის ფოტოები გადაიღო, რომელიც მეოცე საუკუნის სიმბოლო გახდა.
მაგრამ მისი ყველაზე ცნობილი პროექტი მიეძღვნა ბავშვებს და მათ შრომას.
1908 წელს ჰაინი გახდა ბავშვთა შრომის ნაციონალური კომიტეტის ფოტოგრაფი. ორგანიზაციამ აშშ-ში პირველი კამპანია დაიწყო, რათა შეეზღუდა და შეეწყვიტა ბავშვთა შრომის გამოყენება წარმოებებში. იმ პერიოდში ბავშვთა შრომა იყო ყოველდღიური ნორმა აშშ–ში.
1908 – 1912 წლებში, ლიუის ჰაინმა დაიწყო მოგზაურობა მთელს აშშ-ში, ატლანტიკურიდან წყნარ ოკეანამდე. ის სხვადასხვა ქარხნებში, ფაბრიკებში და საამქროებში დადიოდა, სადაც ბავშვთა შრომა გამოიყენებოდა და იღებდა არასრულწლოვან მუშებს– მაღაროელებს, ვაგონერებს, პორტის მტვირთავებს, დამლაგებლებს.
მისი ეშინოდათ. ჰაინის ფოტოსურათები გახდა ძლიერი არგუმენტი ბავშვთა ექსპლუატაციის წინააღმდეგ ბრძოლაში. ფაბრიკანტებს და ქარხნის მფლობელებს, რომლებიც იყენებდნენ ბავშვთა შრომას, იმდენად სძულდათ ჰაინი, რომ მას უწევდა გადაცმული მისულიყო გადაღების ადგილებზე. ხშირად მას მკვლელობით ემუქრებოდნენ.
ეს სურათები ბევრია. ზოგიერთ მათგანს ლაკონური ჰაინის წარწერები აქვს :
"მტვირთავი ოუენი. 12 წლის. კითხვა არ იცის. არ იცის ანბანი. ის ამბობს: "დიახ, მინდა სწავლა, მაგრამ მე არ შემიძლია, სულ ვმუშაობ ". ის ქარხანაში 4 წლის განმავლობაში მუშაობს.“
„ტექსტილის ქარხნის მუშა გოგო. ზოგჯერ ღამით მუშაობს. ასრულებს ყველანაირ სამუშაოს - დღეში 48 ცენტად. კითხვაზე თუ რამდენი წლისაა, პასუხობს: "არ მახსოვს." შემდეგ ამბობს: "მე პატარა ვარ მუშაობისთვის, მაგრამ ისევე კარგათ ვაკეთებ ყველაფერს, როგორც მოზარდები." ქარხანაში ორმოცდაათი ქალიდან ათი მისი ასაკისაა".
ჰაინის ფოტოესეების წყალობით, აშშ-ში ბავშვთა შრომის გამოყენების შესახებ კანონი რადიკალურად გადაიხედა.
ლიუის ჰაინმა თავის პროექტს "დაკარგული თაობის გალერეა" უწოდა.
|
