Category: Gender policy 
2018-03-23
23 მარტს, პარლამენტში, პლენარულ სხდომაზე, პირველი მოსმენით განიხილებოდა საკანონმდებლო ინიციატივა სავალდებულო გენდერული კვოტირების შესახებ.
კანონპროექტის პირველი მოსმენა პარლანემტის სპიკერის, ირაკლი კობახიძეს, ვიცე სპიკერის, თამარ ჩუგოშვილის და საინიციატივო ჯგუფის წარმომადგენლის, მაია კუპრავას გამოსვლებით დასრულდა, რის შემდეგაც გაიმართა კენჭისყრა.
„ჩვენ პარლამენტში გვყავს 23 ქალი დეპუტატი და კანონპროექტის მხარდასაჭერად გვჭირდება 76 ხმა. ეს იმას ნიშნავს რომ ჩვენ, ჩვენი კოლეგების- კაცების, მხარდაჭერა გვჭირდება“– განაცხადა სხდომაზე გამოსვლისას პარლამენტის ვიცე სპიკერმა, თამარ ჩუგოშვილმა.
„ეს ის ხელოვნური ჩარევაა, რომლის მიზანიც ბუნებრივი პროპორციის უზრუნველყოფაა“– განაცხადა თავის გამოსვლისას პარლანემტის სპიკერმა ირაკლი კობახიძემ.
საბოლოოდ, კენჭისყრის შედეგად 66 ხმით 14 –ის წინააღმდეგ პარლამენტმა პირველი მოსმენით არ მიიღო სავალდებულო გენდერული კვოტირების კანონპროექტი. „საარჩევნო კოდექსში", როგორც ორგანულ კანონში, ცვლილების შეტანას 75 დეპუტატის მხარდაჭერა სჭირდებოდა.
საქართველოს პარლამენტის თავმჯდომარის, ირაკლი კობახიძის განცხადებით, მომდევნო კვირაში საქართველოს პარლამენტი დაუბრუნდება გენდერული კვოტირების საკითხს: „საპარლამენტო უმრავლესობა ინიცირებას გაუკეთებს ორგანული კანონის პროექტს კვოტირების შესახებ“.
საქართველოს პარლამენტში განიხილება 37,455 ამომრჩევლის საკანონმდებლო ინიციატივა, რომელიც საპარლამენტო და ადგილობრივი თვითმმართველობის არჩევნებზე, პარტიებსა და ბლოკებს დაავალდებულებს, რომ პარტიულ სიებში ყოველი მეორე განსხვავებული სქესის კანდიდატი წარადგინონ.
კანონპროექტი ქალთა პოლიტიკური მონაწილეობის სამუშაო ჯგუფის (Task Force) მიერ არის ინიცირებული.
|
