კატეგორია: გენდერული ძალადობა 
2018-04-03
არასამთავრობო ორგანიზაცია სიდა-ს ყოფილმა ხელმძღვანელმა, ზვიად დევდარიანმა, რომელიც სექსუალურ შევიწროებაში დაადანაშაულეს, დღეს გამართულ პრესკონფერენციაზე განაცხადა, რომ საკუთარი პატივისა და ღირსების დასაცავად სამართლებრივ დავას იწყებს.
როგორც დევდარიანის ადვოკატი დიმიტრი გაბუნია აცხადებს, ისინი აპირებენ უჩივლონ კონკრეტულ პირებს და არა მედიას, ან რომელიმე კონკრეტულ გაერთიანებას.
„ჩვენ ამ კონკრეტული საქმით გვსურს, ერთხელ და სამუდამოდ გაივლოს ხაზი შანტაჟს, მუქარასა და დანაშაულებრივ ქმედებას შორის. სად გადის ეს ზღვარი.
ვაპირებთ, საქალაქო სასამართლოში შევიტანოთ სარჩელი დევდარიანის და მისი ოჯახის ღირსებისა და საქმიანი რეპუტაციის შელახვის მოთხოვნით. ჩვენ არ ვუპირისპირდებით მედიას, არ ვუპირისპირდებით კონკრეტულ გაერთიანებას და კონკრეტულ პირებს.
მივმართავთ სამართალდამცავებს, დაიწყოს სისხლის სამართლებრივი დევნა, ვინც შელახა დევდარიანის კონკრეტული სამართლებრივი უფლებები, რომელიც არის გაწერილი სსს კოდექსით. კონკრეტულად, ესა არის პირადი მიმოწერის საიდუმლოებების დარღვევა” .
მისივე თქმით, დევდარიანის საქმე უნდა გახდეს პრეცედენტი, რომ მომავალში ყველა კონკრეტულმა პირმა იცოდეს, რომ ადამიანის კონსტიტუციური უფლებების „ხელაღების შელახვა, უდანაშაულობის პრეზუმფციის დარღვევა, პირადი მიმოწერის გასაჯაროება და ოჯახის ღირსების შელახვა სამართლებრივი რეაგირების გარეშე არ დარჩება.”
"რა ამოძრავებთ ქალებს, რომლებმაც ზვიად დევდარიანის წინააღმდეგ განცხადებები გაავრცელეს, ამას გამოძიება დაადგენს", - განაცხადა ადვოკატმა, დიმიტრი გაბუნიამ დღევანდელ პრესკონფერენციაზე.
"სახალხო დამცველ შეუძლია გააკეთოს ნებისმიერი ტიპის განცხადება, მაგრამ სახალხო დამცველს არ უთქვამს, რომ ზვიად დედვდარიანი მოძალადეა",- ასევე განაცხადა გაბუანიამ.
ადვოკატის თქმით, ისინი ხვალ მიმართავენ საგამოძებო ორგანოებს, რომ აღნიშნულ საქმესთან დაკავშირებით გამოძიება დაიწყოს.
|
 |
