Category: It`s interesting to know 
2018-04-26
დღესაც მთელს მსოფლიოში პოლიციაში მუშაობა კაცების „პრეროგატივათ“ რჩება. მაგალითად აშშ-ს იუსტიციის ბიუროს მონაცემებით, ქვეყნის პოლიციელების მხოლოდ 20%-ია ქალი.
მე -20 საუკუნის დასაწყისში კი, იდეა, რომ ქალებს სამართალდამცავ ორგანოებში ემსახურათ და ოპერაციებში მიეღოთ მონაწილეობა იყო წარმოუდგენელი.
კონსტანს კოპი 1878 წელს, ბრუკლინში, ავსტრიისა და ჩეხი ემიგრანტების ოჯახში დაიბადა. ის არა მხოლოდ წარმატებით ცდილობდა დამკვიდრებას პოლიციელის პროფესიაში, არამედ არ ეშინობა კრიმინალების წინააღმდეგ გამოსულიყო.
მიუხედავად იმისა, რომ 1914 წელს აშშ-ი სექსიზმი მძვინვარებდა და ქალებს უმეტესი თანამედროვე უფლებებიც კი არ ჰქონდა, კოპმა შეძლო რევოლუციის განხორციელება და გახდა პირველი ქალი, რომელსაც შეეძლო იარაღის და პოლიციელის სამკერდის ტარება.
ინფორმაციის თანახმად კონსტანსი ცდილობდა მედდა, შემდეგ კი ადვოკატი გამხდარიყო. თუმცა მშობლები ამის საშუალებას არ აძლევდნენ. ის თავისუფლად საუბრობდა ფრანგულ და გერმანულ ენებზე. ერთხელ მან განაცხადა, რომ მას არ სურს დაქორწინება, რადგან არ უნდა მხოლოდ დიასახლისობა. "ზოგიერთ ქალ ურჩევნია გახდეს დიასახლისი, იზრუნოს სახლზე, ბავშვებზე და მათ ეს მოსწონს. ეს მათი უფლებაა. სხვებს კი საკუთარი ბიზნესის წამოწყება ურჩევნია. ქალს უნდა ჰქონდეს უფლება აკეთოს ის რაც სურს, თუ მას შეუძლია ამის გაკეთება. "- აცხადებდა კონსტანსი.
კონსტანსის სიცოცხლე შეუქცევადად შეიცვალა ერთი ინციდენტის შემდეგ, როდესაც მის ბაგის ჰენრი კაუფმანის მანქანა შეეჯახა. კაუფმანი ადგილობრივი მრეწველი და ქარხნის მეპატრონე იყო ნიუ-ჯერსიში. მან უარი თქვა ავარიის შედეგად მიღებული ზიანის ანაზღაურებაზე, დაემუქრა კოპს მოკვლით და ერთი წლის განმავლობაში ატერორებდა მას.
კონსტანსმა მიმართა ადგილობრივ შერიფს და კაუფმანის წინააღმდეს სასამართლოში სარჩელი შეიტანა. საბოლოოდ კაუფმანი იძულებული გახდა გადაეხადა ჯარიმა ათასი დოლარის ოდენობით. მას ასევე პატიმრობით დაემუქრენ, თუ ის კვლავ დააშინებდა ქალს. შერიფზე იმდენად დიდი შთაბეჭდილება მოახდინა კონსტანსის სიმამაცემ, რომ პოლიციაში მუშაობა შესთავაზა.
კოპმა სწრაფად დაიმკვიდრა კარგი პოლიციელის სახელი და შერიფის მოადგილეც კი გახდა. მან მონაწილეობა მიიღო ბევრ მნიშვნელოვან ოპერაციაში. მიუხედავად ამისა, ორი წლის შემდეგ ის წავიდა პოლიციიდან.
კონსტანს კოპის ისტორია დავიწყებული იქნებოდა, თუ არა მწერალი ემი სტიუარტი, რომელმაც ამ არაჩვეულებრივ ქალზე ისტორიული რომანების სერია გამოსცა.
|
