Категория: Анонсы 
2018-06-13
14 ივნისი, ზუგდიდის დემოკრატიული ჩართულობის ცენტრი,(ზუგდიდი, რუსთაველის ქ. #52;) ქალთა საინფორმაციო ცენტრის ორგანიზებით გაიმართება სამუშაო შეხვედრა ზუგდიდში მომუშავე ადგილობრივ არასამთავრობო ორგანიზაციებთან. შეხვედრა დაიწყება 12 საათზე და გაგრძელდება 2 საათი.
სამუშაო შეხვედრის მიზანია, ადგილობრივ არასამთავრობო ორგანიზაციების ჩართულობით, ადგილობრივი მოსახლეობის პრობლემების იდენტიფიცირება გენდერულ ჭრილში.
გამოვლენილი პრობლემები აისახება ზუგდიდის მუნიციპალიტეტის გენდერული თანასწორობის სამოქმედო გეგმაში, რომელიც მომზადდება ქალთა საინფრომაციო ცენტრის ხელშეწყობით. სამოქმედო გეგმის შემუშავების პროცესში ჩართულია ზუგდიდის მუნიციპალიტეტის გადაწყვეტილების მიმღები პირები, გენდერული თანასწორობის საბჭო და ადგილობრივი არასამთავრობო ორგანიზაციები.
ქალთა საინფორმაციო ცენტრი მთელი ქვეყნის მასშტაბით მუშაობს თვითმმართველობებთან გენდერული თანასწორობის პოლიტიკის ლოკალიზაციის მიმართულებით. ორგანიზაციის წარმომადგენლები საჭიროების შემთხვევაში ხელს უწყობენ მუნიციპალიტეტებს და ეხმარებიან გენდერული თანასწორობის ინსტიტუციური მექანიზმის შექმასა და გენდერული თანასწორობის სამოქმედო გეგმის შემუშავებაში.
ადგილობრივი არასამთავრობო ორგანიზაციების ჩართულობა ამ პროცესში უმნიშვნელოვანესია, რათა მაქსიმალურად მოხდეს არსებული პრობლემების გამოკვეთა და მუნიციაპლიტეტის საჭიროებაზე მორგებული სამოქმედო გეგმის შემუშავება.
შეხვედრა ორგანიზებულია ქალთა საინფორმაციო ცენტრის მიერ პროექტის „გენდერული თანასწორობის პოლიტიკის გაძლიერება ადგილობრივი თვითმმართველობის დონეზე“ ფარგლებში, ზუგდიდის დემოკრატიული ჩართულობის ცენტრთან თანამშრომლობით.
ღონისძიება ტარდება გაეროს განვითარების პროგრამის (UNDP) და შვედეთის მთავრობის ხელშეწყობით, გაეროს ერთობლივი პროექტის „გენდერული თანასწორობისთვის“ ფარგლებში.
ინფორმაციისათვის მიმართეთ:
ნათია კაპანაძე
ტელეფონი: +995 598180081 |
