Категория: Гендер в мире 
2018-09-17
გაერო-ს მონაცემებით, ადამიანის განვითარების ინდექსის მიხედვით, საქართველო მსოფლიოში 70-ე ადგილს იკავებს. 0,757-ზემოთ ქულა მაღალ განვითარებაზე მიუთითებს, საქართველოს ინდექსი კი 0,780-ს შეადგენს. ამის შესახებ ნათქვამია გაერო-ს განვითარების პროგრამის 2018 წლის ანგარიშში.
სიაში სულ 189 ქვეყანა და ტერიტორიაა შესული, რომლებიც შეფასებულია ოთხი პარამეტრით: შემოსავალი ერთ სულ მოსახლეზე, სახელმწიფოს მიღწევები ჯანდაცვასა და განათლებაში, სიცოცხლის საშუალო ხანგრძლივობა.
რეიტინგის სათავეში ნორვეგია მოექცა, მას შვეიცარია და ავსტრალია მოსდევენ. ბოლო ხუთეული კი ასე გამოიყურება – ნიგერია, ცენტრალური აფრიკის რესპუბლიკა, სამხრეთ სუდანი, ჩადი და ბურუნდი.
პოსტსაბჭოთა ქვეყნებს შორის, ადამიანური განვითარების რეიტინგში საქართველო რუსეთის შემდეგ (49) მოდის. აზერბაიჯანი - 80-ე, სომხეთი - 83-ე, უკრაინა -88-ე, უზბეკეთი - 105-ე, თურქმენეთი - 108-ე ადგილზე.
როგორც აღნიშნულია ანგარიშში, გენდერული უთანასწორობა ადამიანის განვითარებაში ერთ-ერთი ყველაზე დიდი დაბრკოლებაა.
"ჩვენ არ შეგვიძლია კაცობრიობის განვითარებაზე საუბარი, თუ არ გავითვალისწინებთ მსოფლიოს მოსახლეობის 50 პროცენტს", - განაცხადა ადამიანის განვითარების ანგარიშის წამყვანმა ექსპერტმა სელიმ ჯაჰანმა.
"გენდერული თანასწორობა და ქალების გაძლიერება აბსოლუტურად კრიტიკულია და ეს არ არის მეორეხარისხოვანი საკითხი. "
კვლევები აჩვენებს, რომ როდესაც გოგონები განაგრძობენ განათლებას, მათ მეტი შესაძლებლობები აქვთ და უჩნდებათ ჯამრთელი, უკეთესად განათლებული ბავშვები, რაც, თავის მხრივ, ხელს უწყობს ეროვნულ განვითარებას.
ჯაჰანის განცხადებით, ქვეყნებმა პირველ რიგში უნდა გადაწყვიტონ ისეთი პრობლემური საკითხები, როგორიცაა: ბავშვთა ქორწინება; პოლიტიკაში ქალების ნაკლებობა და ქალთა ქონებრივი მდგომარეობა.
|
