კატეგორია: გენდერი კავკასიაში 2019-10-10
2019 წლის 9-10 ოქტომბერს, „გარდენია შევარდნაძე" და არასამთავრობო ორგანიზაცია ქალთა საინფორმაციო ცენტრი მართავს ტრენინგს: „ხაშურის მუნიციპალიტეტის გენდერული თანასწორობის საბჭოს წევრებისა და წაღვლის თემის საზღვრისპირა სოფლების მოსახლეობის ერთობრივი მუშაობის ხელშესაწყობად“.
ტრენინგზე განხილული იქნება წაღვლის თემის საზღვრისპირა სოფლების- ჩორჩანასა და წაღვლის მოსახლეობის საჭიროებათა კვლევის პირველადი შედეგები, გამოვლენილი მთავარი მიგნებები და საჭიროებები. საზოგადოების საჭიროებების კვლევა განხორციელდა ქალთა საინფორმაციო ცენტრისა მიერ შემუშავებული კითხვარის მეშვეობით. მიღებული ინფორმაცია გაანალიზდა და გამოიკვეთა საერთო პრობლემები და გამოწვევები, რომლებიც გამყოფი ხაზის მიმდებარედ ორივე სოფელში მცხოვრებ მოსახლეობას გააჩნია.
ტრენინგის მონაწილეები ჩორჩანასა და წაღვლიდან, ხაშურის მუნიციპალიტეტის გენდერული თანასწორობის საბჭოს წევრებთან თანამშრომლობით შეიმუშავებენ კვლევის პროცესში გამოვლენილი პრობლემების ადვოკატირების გეგმას, გაეცნობიან სოფლისა და სოფლის მეურნეობის განვითარების სახელმწიფო პროგრამებს და გაიზიარებენ ,,გარდენია შევარდნაძის’’ ხელმძღვანელის გამოცდილებას, წარმატებული ბიზნესის მართვაში.
სამუშაო შეხვედრას დაესწრებიან სოფლისა და სოფლის მეურნეობის განვითარების სააგენტოს კოოპერატივების განვითარებისა და მართვის დეპარტამენტის წარმომადგენელი- ნინო ფირცხალავა, ავსტრიის განვითარების სააგენტოს წარმონადგენელი- ნინო ტოგონიძე და ,,გარდენია შევარდნაძის’’ ხელმღვანელი ზურაბ შევარდნაძე.
პროექტის შესახებ:
პროექტი ,,ადმინისტრაციულ სასაზღვრო ზოლთან მცხოვრები ქალების მონაწილეობა კარგი მმათველობისთვის ‘’ ახორციელებს ქალთა საინფორმაციო ცენტრი, ავსტრიის განვითარების სააგენტოს ხელშეწყობით.
პროექტი მიზნად ისახავს ხაშურის მუნიციპალიტეტის საზღვრისპირა სოფლების ქალთა და მათი ოჯახების საჭიროებების ადვოკატირებას, მათი მობილიზაციის, შესაძლებლობების გაძლიერებისა და მუნიციპალიტეტთან მჭიდრო თანამშრომლობის გზით.
|