Категория: Гендерная политика 
2019-12-16
დიდ ბრიტანეთში, თემთა პალატაში უფრო მეტი ქალი დეპუტატი აირჩიეს, ვიდრე ოდესმე. ახლადარჩეულ პარლამენტში 650 დეპუტატიდან 220 ქალია (34%). ამის შესახებ იტყობინება Thomson Reuters Foundation-ი.
პარლამენტში ყველაზე მეტი კონსერვატიული პარტიიდან - 86 ქალი - დეპუტატი შევიდა. ლეობორისტული პარტიის დეპუტატებთა 50% -ზე მეტს ასევე ქალები შეადგენენ.
შეგახსენებთ, რომ წინა მოწვევის პარლამენტში სულ 208 ქალი- დეპუტატი იყო.
თემთა პალატის ბიბლიოთეკის შეფასებით, 2019 წლის არჩევნებში სულ 1,123-მა ქალმა კანდიდატმა მიიღო მონაწილეობა.
12 დეკემბერს ბრიტანეთში ვადამდელი საპარლამენტო არჩევნები გაიმართა. ბორის ჯონსონის ლიდერობით კონსერვატორულმა პარტიამ დამაჯერებელი გამარჯვება მოიპოვა და მომავალ პარლამენტში 650-დან 364 ადგილს დაიკავებს.
წინა მოწვევის პარლამენტთან შედარებით კონსერვატორებმა 47-ით მეტი მანდატი მოიპოვეს რაც მათ საპარლამენტო უმრავლესობას ანიჭებს. მსგავსი უმრავლესობით გამარჯვებისთვის კონსერვატორებს 1935 წლის შემდეგ არ მიუღწევიათ. მეორე ადგილზე გასულმა ლეიბორისტულმა პარტიამ 59 ადგილი დაკარგა.
აღსანიშნავია, რომ შოტლანდიის ნაციონალურმა პარტიამ (SNP) შოტლანდიის 59 მანდატიდან 55 მოიპოვა, რაც უპრეცედენტო მიღწევაა პარტიისთვის. ამ შედეგების შემდეგ კვლავ გააქტიურდა საუბრები შოტლანდიის დამოუკიდებლობის მეორე რეფერენდუმის შესახებ, ვინაიდან შოტლანდიამ ბრექსიტის რეფერენდუმში ცალსახად ევროკავშირში დარჩენას დაუჭირა მხარი.
|
