Категория: Гендер в мире 
2020-03-06
ბავარიის დედაქალაქი გახდა პირველი გერმანული მეგაპოლისი, რომელმაც გადაწყვიტა ღამის საათებში უზრუნველყოს ქალებისთვის უსაფრთხო მგზავრობა და ამისთვის ტაქსის ღირებულების ნაწილის გადახდა შესთავაზა.
ხელისუფლების წარმომადგენლების განცხადებით, ქალები გვიან ღამით ფეხით ან საზოგადოებრივი ტრანსპორტით სახლში დაბრუნებისას თავს დაცულად არ გრძნობენ. მაღალი ღირებულების გამო კი ტაქსით მგზავრობას ყველა ქალი ვერ ახერხებს. ახლა მიუნხენში ტაქსის ღირებულების ნაწილს ქალაქის ბიუჯეტიდან გადაიხდიან და ამ პროექტის განხორციელებისთვის მილიონი ევროა გამოყოფილი.
1 მარტიდან, ბავარიის დედაქალაქში, 16 წლიდან ასაკის ნებისმიერ ქალს შეუძლია მიიღოს ვაუჩერი, რომლის საფასური 5 ევროს შეადგენს. ფასდაკლებით ისარგებლებენ როგორც მიუნხენის მაცხოვრებლები, ასევე ტურისტებიც. ფასდაკლება მოქმედებს იმ შემთხვევაში, თუ ტაქსის გამოძახება განხორციელდება 22:00-დან დილის 06:00 საათამდე.
ვაუჩერების მიღება შესაძლებელია როგორც მიუნხენის მერიის საინფორმაციო ცენტრში, ასევე საჯარო სერვის ცენტრებში (Bürgerbüro). ზოგადად, ვაუჩერების რაოდენობა ერთ ადამიანზე შეზღუდული არ არის, თუმცა ერთი მგზავრობისთვის შესაძლებელია მხოლოდ ერთი ვაუჩერის გამოყენება.
მიუნხენის ხელისუფლების ინფორმაციით, პროექტის ეფექტური განხორციელების შემთხვევაში, შესაძლებელია მოხდეს ვაუჩერების სმარტფონებისთვის სპეციალური პროგრამით ჩანაცვლება.
|
