Категория: Гендерное насилие 
2020-03-20
ინდოეთში სასიკვდილო განაჩენი აღასრულეს იმ ოთხი პირის მიმართ, რომლებმაც 2012 წელს 23 წლის სტუდენტი გოგონა ჯგუფურად გააუპატიურეს. სასჯელის უმაღლესი ფორმა მათ 2013 წელს გამოუტანეს.
23 წლის გოგონას ექვსი ახალგაზრდა მამაკაცი ავტობუსში დაესხა თავს. ის ჯგუფურად გააუპატიურეს, შემდეგ კი რკინის ჯოხით სცემეს და მიმავალი ავტობუსიდან გადააგდეს.
გოგონა ავტობუსით მეგობარ ბიჭთან ერთად მგზავრობდა, რომელსაც თავდამსხმელები ასევე ფიზიკურად გაუსწორდნენ.
მოგვიანებით სტუდენტი საავადმყოფოში გარდაიცვალა. მომხდარმა ინდოეთის საზოგადოებაში დიდი ვნებათაღელვა გამოიწვია.
2013 წლის მარტში ექვსი თავდამსხმელიდან ერთ-ერთი ციხეში გარდაცვლილი იპოვეს. მეექვსე ბოროტმოქმედი კი თავდასხმის მომენტისთვის არასრულწლოვანი იყო, ამიტომ ადგილობრივი კანონმდებლობის მიხედვით, სამწლიანი სასჯელის მოხდის შემდეგ ის გაათავისუფლეს. |
