საქართველოს პარლამენტის თავმჯდომარემ, დავით უსუფაშვილმა ეუთო-ს უმაღლეს კომისართან ეროვნული უმცირესობების საკითხებში, ასტრიდ თორსთან შეხვედრა გამართა.
მხარეებმა საქართველოში მცხოვრები ეროვნული უმცირესობების მდგომარეობასა და ადამიანის უფლებათა დაცვის კუთხით საქართველოს ოკუპირებულ რეგიონებში არსებულ ვითარებაზე ისაუბრეს. საქართველოს პარლამენტის წევრებმა ასტრიდ თორსს იმ რეკომენდაციებისთვის გადაუხადეს მადლობა, რომელიც ეუთოს უმაღლესმა კომისარმა „სახელმწიფო ენის შესახებ“ კანონპროექტთან დაკავშირებით წარმოადგინა. როგორც შეხვედრაზე აღნიშნეს, ქართულ მხარეს რეკომენდაციები კანონპროექტზე მუშაობის პროცესში მნიშვნელოვნად დაეხმარა.
„განვიხილეთ ბევრი საკითხი, რომელიც დღეს საქართველოს პარლამენტისა და მთავრობის დღის წესრიგშია. ვისაუბრეთ კანონპროექტზე „სახელმწიფო ენის შესახებ“, რომლის განხილვაც პირველი მოსმენით უკვე შესაბამის კომიტეტზე მოხდა. შევეხეთ „საქართველოს მოქალაქეობის შესახებ“ კანონთან დაკავშირებულ საკითხებს და ასევე, ინტეგრაციის სტრატეგიას, რომელზეც მთავრობა მუშაობს“,- აღნიშნა შეხვედრის დასრულების შემდეგ ასტრიდ თორსმა.
Using materials of the site the reference on GINSC with the indication of the author is obligatory The Portal GINSC is supported by the Kvinna til Kvinna Foundation
