Category: Gender in the world 
2019-12-13
გერმანიის კანცლერი ანგელა მერკელი ზედიზედ მეცხრე წელია წლის ყველაზე გავლენიან ქალად სახელდება. ჯამში კი ანგელა მერკელი წლის გავლენიანი ქალების სიაში 14-ჯერ მოხვდა, რაც რეკორდული მაჩვენებელია.
Forbes-ი წლის ყველაზე გავლენიან ქალებს 2004 წლიდან ასახელებს. სიას გამოცემის ცნობილი ჟურნალისტები ადგენენ.
გერმანიის კანცლერი სიის სათავეში პირველად 2006 მოხდა და მას შემდეგ მუდამ ლიდერია. ერთადერთი გამონაკლისი 2010 წელი იყო, როდესაც წლის ყველაზე გავლენიან ქალად აშშ-ს პირველი ლედი, მიშელ ობამა დასახელდა, ხოლო მერკელმა მეოთხე ადგილზე გადაინაცვლა.
2019 წლის ყველაზე გავლენიანი ქალების სიის ათეული:
ანგელა მერკელი — გერმანიის კანცლერი;
კრისტინ ლაგარდი — ევროპის ცენტრალური ბანკის ხელმძღვანელი;
ნენსი პელოსი — აშშ-ს წარმომადგენლობითი პალატის სპიკერი;
ურსულა ფონ დერ ლეიენი — ევროკომისიის პრეზიდენტი;
მერი ბარა — ჯენერალ მოტორსის მთავარი აღმასრულებელი დირექტორი;
მელინდა გეიტსი — ქველმოქმედი, ბილ და მელინდა გეიტსების ფონდის თანათავმჯდომარე;
ებიგეილ ჯონსონი — Fidelity Investments-ის მთავარი აღმასრულებელი დირექტორი;
ანა ბატრისია ბოტინი — Stander Group-ის ხელმძღვანელი;
ვირჯინია რომეტი — IBM-ის ხელმძRვანელი;
მერილინ ჰიუსონი — Lockheed Martin-ის მთავარი აღმასრულებელი დირექტორი.
წლის ყველაზე გავლენიანი ქალების სიაში, ასევე, მოხვდნენ ოპრა ვინფრი (20), ჯასინდა ანდერნი (38), დედოფალი ელისაბედ II (40), ივანკა ტრამპი (42), რიჰანა (61), ბიონზე (66), ტეილორ სვიფტი (71), სერენა ვილიამსი (81), რიზ ვიზერსპუნი (90), გრეტა თუნბერგი (100) და სხვები. |
